Sugeng Rawuh

Citra Radhio Budaya ingkang dados misi saha unggah-ungguh, Radhio Jodhipati FM mengku werdi strategis salebeting mbudi daya nuwuhaken sarta ngrembakaken, kesadharan gadhah bongsa sarta gadhah Negari, ingkang nggadhahi jati dhiri lumantar tatanan Budaya Jawi, salebeting makna saha biji ingkang maujud kasunyatan, satemah dados perangan saking warga masyarakat ingkang gadhah kaperluwan. Jumbuh kaliyan dumadosing radhio Budaya Jawi kanthi giyaran 100 % Budaya Jawi sarta pasugatan lumantar format ugi Basa Jawi, ing pangajab saged njurung mawujuding lingkungan masyarakat kanthi kultur miwah budaya ingkang gadhah citra saha jati dhiri salebeting tatanan budaya ingkang saged ngraketaken pasedherekan tumanduk ing masyarakat. Kangge nggayuh tujuan kasebat, Radhio Jodhipati FM tansah mbudidaya salebeting nyugataaken program acara ON AIR sambung raos lumantar tilpun utawi SMS sinengkuyung wontenipun format program ingkang mikat sarta kagiyaraken dening juru giyar gamben, satemah radhio Jodhipati FM dados kalintang ing laladan Nganjuk sakupengipun. Ugi sinengkuyung tebaning giyaran ingkang wiyar, satemah saged kaginakaken dening pihak-pihak ingkang kagungan kaperluwan paring byawara. Radhio Jodhipati mbudidaya murih sae sanget tumanduk ing masyarakat agung, kangge mikantukaken bewara (informasi) mligi Budaya Jawi, satemah piguna kangge lestarining Budaya tilaraning para leluhur duk ing nguni.

Short URL: http://jodhipatifm.co.id/?p=22

Posted by Administrator on Jul 26 2010. Filed under Sugeng Rawuh. You can follow any responses to this entry through the RSS 2.0. Responses are currently closed, but you can trackback from your own site.